Комисијата за политички систем и односи меѓу заедниците денеска ја одложи амандманската расправа за измените и дополнувањата на Законот за патните исправи на државјаните на Република Македонија, и Годишниот извештај на Народниот правобранител.
Претседателот на Комисијата Влатко Ѓорчев информираше дека пратеничките групи во Собранието побарале дополнителни консултации и оти продолжението на оваа седница ќе биде дополнително закажана.
Претходно, без амандманска расправа беа дадени во натамошна процедура измените и дополнувањата на Законот за Судски совет и Предлог-законот за јавнообвинителска служба.
Пред Комисијата, заменик-директорот на Дирекцијата за заштита на лични податоци Сеад Садиковски го презентираше Годишниот извештај за минатата година.