Парламентот и на пленарна седница го одби Законот за урбано зеленило, поднесен од пратеничката Лилјана Поповска. Ова е по вторпат во две години, иако ДОМ упорно инсистираше на овој закон и тој беше и дел од коалиционен договор. Законот треба да обезбеди заштита на постојното зеленилo зелен катастар, 25 м2 зеленило по жител во градовите и 10-30% зеленило на градежна парцела.
Разочарува односот на пратениците, кои, одбивајќи го законот, му даваат предност на бизнисот на малкумина, пред здравјето на сите граѓани. Тоа значи дека и понатаму ќе продолжи злоупотребата на зелените површини и нивно претворање во бетон.
Ако, пак, проблемот е во тоа КОЈ го поднесол законот, ги повикуваме колегите од владиното мнозинство ТИЕ да го поднесат. Ќе ја имаат поддршката и од нас и од секој граѓанин кој сака квалитетен живот.