Владеачкото мнозинство на комисиската расправа го одби предлогот на пратениците од НДП, секој пратеник да добие свој телохранител.
Предлогот во Собрание беше од Изет Зекири и Фламуре Креци. Во објаснувањето стоеше дека ова било неопходно по настаните на 24. декември, кога се покажало дека обезбедувањето не може да ја гарантира безбедноста на пратениците.
Oд НДП велат дека мотивот за таквиот предлог бил иронизација на владиниот предлог, со кој по завршувањето на мандатот, на премиерот ќе му се даде обезбедување од шестмина телохранители.