Регионалниот центар за животна средина за Централна и Источна Европа (РЕЦ) Канцеларија во Македонија денеска ќе го одбележи 22 Мај, Меѓународниот ден на биолошката разновидност, преку спроведување на повеќе едукативни активности во основните училишта во општина Дојран.
Едукативните активности се во рамки на проектот „Развивање на капацитети за одржливост на Дојранското Езеро“ и имаат за цел зголемување на свеста на најмладата популација која живее во општина Дојран за важноста за зачувување на биолошката разновидност во Дојран и заштитата на Дојранското Езеро.
Учениците и нивните наставници ќе реализираат повеќе едукативни активности како што се игри на тема биолошка разновидност, ликовни творби и работилници.
Темата за одбележување на Меѓународниот ден на биолошката разновидност за 2015 год. е „Биолошка разновидност за одржлив развој“.