Градоначалникот на Град Скопје, Коце Трајановски денеска присуствуваше на свеченоста по повод 66-годишнината од основањето на средното училиште „Боро Петрушевски“.
На свеченоста присуствуваа и поголем број на членови на Советот на Градот Скопје, претставници на градската администрација, како и директорот на АСУЦ „Боро Петрушевски“, Соња Ристовска.
– Ова е едно од училиштата кое континуирано создава, работи и напредува. Училиштето непрекинат овозможува услови за квалитетен воспитно-образовен процес. Покрај големиот придонес за обезбедување на услови за одвивање на воспитно-образовниот процес, за поздрав е и заложбата на училиштето во областа на дополнителните дејности. Развојот на дејностите придонесува финансиско зајакнување на училиштето кое овозможува да се обезбедат подобри услови за учениците, како и развој на практичната настава, рече Трајановски во обраќањето.
Средното училиште „Боро Петрушевски“ во моментов врши едукација на поголем број на образовни профили, како што се техничар за патен сообраќај, техничар за транспорт и шпедиција, автотехничар – мехатроничар, автомеханичар, автолимар, автоелектроничар и каросериски механичар.
Покрај основната дејност, АСУЦ „Боро Петрушевски“ постои и станица за технички преглед и регистрација на моторни возила, центар за хомологација на моторни возила, автосервис, авто – полигон и автоперална.