Вчера, 13. март Единицата за Специјални Задачи го одбележа Денот на Единицата-36-годишнината од формирањето. Во рамки на одбележување на Денот на ЕСЗ „Тигар“ беа организирани повеќе манифестации и активност во периодот од 10 до 12 март 2017 година.
Во петокот на 10. март во Единицата беше спроведена крводарителска акција на која крв даруваа 36 припадници на ЕСЗ. На 10-ти март беше положено и цвеќе на споменикот на загинатите припадници на единицата, а командантот Славчо Петрушевски имаше обраќање пред припадниците. Истиот ден на повеќе припадници на единицата им беа доделени јубилејни плакети за 10, 15, 20 и 25 години служба во ЕСЗ.
Во саботата пак, беа посетени семејствата на загинатите припадници на ЕСЗ, а беше положено цвеќе на гробовите на загинатите припадници на специјалната единица.
Се организираше и отворен ден во Единицата за семејствата на припадниците, преставниците на МВР, пријателите и соработниците на Единицата. На отворениот ден за посетителите беше организирана изложба на возила, средства и опрема, како и забавна програма за децата на припадниците.
