Телевизијата АБ уште вечерва почна да зрачи црн екран со натпис дека Бојо Андревски ја продава телевизијата. Во огласот стои повик до сите заинтересирани да ги достават понудите за купување на АБ телевизија.
Инаку Советот за радио-дифузија, претходно најави, дека телевизијата има ненамирени обврски.
Соочен со финансиски проблеми, Андревски, кој најавуваше дека ќе направи најгледата телевизија, отпушти голем дел од вработените, и телевизијата функционираше со 30-тина вработени.
Тоа требаше да биде се до продавањето на телевизијата. Андревски имал неколку разговори , но не успеал да се договори за цената на продавање.
АБ телевизија, минатата година, кога А1 емитуваше програма во живо од пред Владата во знак на револт поради упадот и намерата власта да ја затвори, постави паралелен шатор и извесен период во живо емитуваше вести. Објаснувањето и беџовите кои ги делеа беа дека и ним Велија им должел пари.
Бојо Андрески е коалициски партнер на Груевски и е сопственик на Европскиот универзитет.