Студентските домови во Скопје, повторно се упоришта на партиски активизам. Непознати лица, одат од соба во соба во студентските домови и мобилизираат студенти за утрешниот протест во 12 часот пред Собранието, за донесување на буџетот, објави Плусинфо.
Како што дознаваме од лица сместени во домовите, посетителите со себе носат список на кој ги запишуваат генералиите на студентите и нивниот телефонски број и им најавуваат дека ќе има организиран бесплатен превоз.
Не е јасно од чиј буџет ќе биде платен тој превоз.
Веројатно се работи за протестот кој денеска го најави новоформираниот „Фронт за Македонија“, кој ги повтори зборовите на министерот за финансии Зоран Ставрески, дека опозицијата го држи во заложништво народот.
