Од септември зголемување од пет проценти на платите на судиите и судските службеници

Од:

Од септември ќе се реализира зголемувањето од пет проценти на платите на судиите и судските службеници, а  во тековниот Буџет има обезбедено околу 120 милиони денари за исплата на надоместоците, согласно Законот за судиите и судските службеници.

Ова го констатирале на денешната средба премиерот Зоран Заев, министрите за правда и за финансии, Рената Дескоска и Драган Тевдовски, со делегација на Здружението на судии, предводена од претседателот на здружението Џемали Саити, судија во Врховниот суд.

-Премиерот Заев, заедно со министерот за финансии и министерката за правда, изразија уверување дека уште 120 милиони денари ќе се обезбедат со ребаланс на Буџетот, и дека тие ќе бидат наменети за ретроактивни решенија на проблемите со надоместоците на судиите, соопшти владината прес-служба.

На средбата, на која позитивно биле оценети заложбите и реформите насочени кон обезбедување независно судство, претставниците на судиите и на Владата постигнале договор за формирање работна група со претставници од ресорните Министерства за изнаоѓање системско решение за платите на судиите.

Би можело да ве интересира

Дурмиши: Утре ќе биде потпишана платата за вработените во Инспекторатот за труд

Љутков: Свесен сум дека не ги дадовме платите пред Велигден, но конечно го решивме проблемот

СОНК: Да не се потпишуваат новите решенија за плати во културата

Горан Наумовски

СДСМ: Трошоците за живот растат, платите стагнираат

Филипче: Власта нема желба да ги покачи платите, затоа партиски го напаѓа Синдикатот

Точно знаеме кои се тие судии кои што добивале насоки од седиштата во Речица или во Бихаќка, вели Мицкоски