Полицијата од кафеана во Неготино-Полошко приведе и задржа 19 женски лица, кои биле ангажирани за да ги забавуваат гостите.
Од СВР Тетово информираат дека полициски службеници од Полициско одделение Галате, утрово од 1 до 3 часот, спровеле акциска контрола во угостителскиот објект „Алпа Маре“, сопственост Ф.Т (50) од Неготино-Полошко.
– При контролата, во објектот биле затекнати 19 женски лица, на возраст од 21 до 37 години, кои како пеајчки и танчерки ги забавувале гостите.Tие се лишени од слобода и задржани во Полициската станица Гостивар за расчистување на случајот, вели Марјан Јосифоски портпарол на СВР Тетово.
Покрај нив, лишени од слобода се и сопственикот на објектот, М.С. (36) и Х.А.(32) од Неготино-Полошко, кои ги попречувале полициските службеници во спроведувањето на акциската контрола.
