Од Италија синоќа е екстрадиран 35-годишниот Симеон Михаилов, осуден во отсуство на доживотен затвор во рамки на процесот за случајот „Детонатор“, потврдија за МИА од МВР.
Екстрадираниот Михаилов на доживотен затвор е осуден како осомничен за обид за убиство врз Драганчо Стименов во скопската населба Аеродром, како дел од кочанската група „Детонатор“.
Михаилов е уапсен во Италија во август минатата година по распишана меѓународна потерница од страна на македонските власти поради обвинение за учество во злосторничко здружување, обид за убиство и изнуди.
Пресудата доживотен затвор му е изречена на крајот на минатата година во Скопски кривичен суд. Михаилов доби уште две затворски казни, 4 години за злосторничко здружување и уште 3 години за насилство.
