Од следниот викенд група пензионери ќе заминат на банско-климатска рекреација. Досега за оваа поволност што ја дава Владата аплицирале околу 30 илјади пензионери.
– Процесот на апликација заврши. Ќе се направи селекција по што првата група ќе започне да ги посетува бањите од 17 март.
– Очекувам и оваа година без проблеми да се реализира овој проект бидејќи има доволно средства за негова реализација, изјави министерот за труд и социјална политика Спиро Ристовски, одговарајќи на новинарски прашања по денешната средба со Сојузот на здруженија на пензионери.