Од експлозија на паркирано возило се запалиле бараките на „Улици и патишта“ позади Буњаковец

Од:

Возило паркирано на тротоарот до бараките на „Улици и патишта“ експлодирало, а пожарот ги зафатило и канцелариите на јавното претпријатие. Страшниот пожар во центарот на Скопје, позади трговскиот центар „Буњаковец“ се случил ноќеска, на еден час по полноќ. Засега се непознати причините за тоа како се запалило паркираното возило. Од Противпожарната бригада велат дека акцијата за гаснење на пожарот и натаму трае.

„Пожарот настанал од надворешна страна, кога неофицијално, возило експлодирало. Зафатена е кровната конструкција, која претставуваше голем проблем за да се влезе и интервенира. Делумно опожарено е уште едно возило со скопски таблици, кое било паркирано. Интервенирано е со шест противпожарни возила“ вели командантот на скопската противпожарна бригада, Владимир Симоновски.

Превентивно, едно противпожарно возило и натаму е на терен. На местото треба да излезе и јавен обвинител, бидејќи возилото се запалило додека било паркирано.

Би можело да ве интересира

76-годишна жена призна дека подметнала 11 пожари

Гори шума во селото Долгаец, пожарите на Кожуф и во „Јасен“ се под контрола

Гори шума на планината Кожуф и кај селото Долгаец

Еден пожар е активен, два се под контрола, а шест се изгаснати

Голем пожар во Куманово, изгореа возила, камиони, автобус, приколка и минибус

Горан Наумовски

Гори ниска вегетација помеѓу селата Стровија и Долгаец во Општина Долнени