Обвинетите за сообраќајната несреќа кај Ласкарци пред судот се изјаснија дека не се чувствуваат виновни.
За тешката сообраќајна несреќа обвинети се сопственикот на „Дурмо Турс“, Дурмиш Белули, вработениот во „Дурмо Турс“, Ремзи Мифтари кој претходно бил осудуван, машинскиот инженер порано вработен во техничкиот преглед, Игор Ѓорѓиевски, исто така и Горан Дуковски, Јане Боваровски и возачот Маноил Трифуновски.
Во предметот обвинетите се товарат за тешки дела против безбедноста на луѓето и имотот во сообраќајот кои резултираа со тешката сообраќајна несреќа кај селото Ласкарци, во која загинаа 16 лица, а 38 беа повредени.