Од снимките на собраниските камери пуштени во судницата за настаните од „27 април“, може да се види поголема група луѓе кои влегле во Собранието и се упатува кон Кабинетот на претседавачот Трајко Вељаноски.
Во Кабинетот на Вељаноски влегува обвинетиот Никола Митровски Кољо и уште неколку сега обвинети за „27 април”.
По неколку минути задржување Кољо излегува од Кабинетот со фантомка на главата и се упатува кон скалите.
Пред неговиот Кабинет е раздвижено. Лица со фантомки слободно се движат по скалите и низ ходникот. Обвинетиот Горан Ѓошевски Леви носи пакет вода од кој шишиња земаат неколкумина од обвинетите.
И денеска во Кривичниот суд се пуштаат снимки од собраниските камери за настаните од 27 април 2017 година, за што се обвинети вкупно 33 лица, од кои 31 за терористичко загрозување на уставниот поредок на државата и двајца за поттикнување.
Васко Маглешов