Меѓународната набљудувачка мисија за избори на ОБСЕ заклучи дека овие избори за разлика од претходните поминаа мирно и без инциденти, но останаа забелешките за заплашување гласачи, притисок врз јавните службеници, купување гласови и злоупотреба на административни ресурси.
Подготовките на Дик за изборите беа попречени од неефикасната внатрешна организација, политизирано носење одлуки и скратените законски рокови. Активностите на ДИК не беа секогаш транспарентни, бидејќи често одржуваше седници зад затворени врати и не секогаш ги објавуваше своите одлуки, изјавија членовите на ОБСЕ на денешната прес конференција.
Од ОБСЕ велат дека иако процесот на реформи ја доби поддршката од четирите најголеми политички партии, одлуките се носеле под притисок на недостиг на време и во отсуство на консултации со релевантните засегнати страни во изборите.
Според извештајот на ОБСЕ партиите во изборната кампања го надминале буџетот за финансирање. Ова особено важи за владејачката партија.
-Извештаите поднесени ид страна на учесниците во изборниот процес на 1 и 10 декември покажуваат значителни надминувања на буџетот, особено од страна на ВМРО-ДПМНЕ, стои во соопштението.
Набљудувањето на медиумите од страна на НМИ и ОБСЕ/ОДИХР покажува дека јавните медиуми во најголем дел им обезбедиле на учесниците во изборниот процес рамномерно покривање на вестите, но било забележано и дека некои приватни медиуми покажале пристраснот кон владејачката партија.