Јавното претпријатие за државни патишта ја заврши обновата на два локални патни правци од село Долна Белица до село Октиси во општина Струга и првиот дел од локалниот пат за село Велестово, Охридско.
Во струшкиот регион, на патот с.Долна Белица – с.Октиси извршена е комплетна рехабилитација на патот во должина од 2,6 километри, инвестиција во вредност од 23,7 милиони денари. Со рехабилитација на патот создадени се услови за безбедно одвивање на сообраќајот, намалување на времето на патување и побрза сообраќајна комуникација меѓу двете населени места, соопшти денеска ЈП за државни патишта.
За обновата на првиот дел од локалниот пат за село Велестово, во должина од 870 метри, инвестицијата изнесува 6,55 милиони денари.
Средствата се обезбедени со поддршка од Светска Банка наменета за подобрување на локалните патишта во Република Македонија.