Огромната јагула од дрво што ја направи охридскиот уметник Сергеј Цингулоски и ја подари на Охрид, во изминатиот период беше мета на вандализам.
Скулптурата која првично беше поставена околу мостот на желбите а своето привремено живеалиште си го најде на плажата Куба Либре, беше уништувана и кршена од страна на несовесните минувачи.
Со средства од општината, неодамна, уметникот Цингулоски ја обнови и денеска најави оти таа во наредниот период ќе биде заштитена.
Скулптурата е речиси неуништлива. Ја топевме во езерото. беше фрлена, па повторно ја саниравме комплетно. Сега е освежена и следната година нема потреба да се интервенира на неа. Некој со извичник направил неколку прекини од скулптурата, вели Цунгулоски.