На ексклузивни сателитски снимки до кои Охрид 1 дојде со посредство на 2 S Studio покажуваат дека пожарите кои беснеат на Балканот формирале облак од чад кој се протега од Белград на север, до грчкиот остров Закинтос кој е лоциран во Јонското Море на југот од Грција.
Целосно со облакот од чад е прекриена и Црна Гора, а делови од овој огромен облак ја прекрија и Босна и Херцеговина, Грција и Македонија.
Најмногу пожари беснеат во Албанија, чие небо на сателитските снимки речиси целосно е прекриено со облаци од чад, а пожари беснеат и во Србија, каде со денови гори шума на планината Тара. Пожари има и во Македонија и Грција.
Облакот од чад го затемни и небото над Охридското Езеро, објави Охрид 1. Граѓаните велат дека воздухот мириса на чад, а од чад не може јасно да се видат планините , па така на приемр од Стурга не се гледа јасно планината Галичица, а од Охрид планината Јабланица .