Одборот за доделување на државната награда „23 Октомври” во 2014 година за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно – историското наследство на Македонија донесе одлука според која во областа на науката и образованието наградата и се доделува на проф. д-р Анастасика Попоска, специјалист-ортопед.
Во однос на остварувањето во областа на културата и уметноста, Одборот чиј претседател е академик Владо Матевски, наградата им ја доделува на писателот Милош Линдро, ликовниот уметник Доне Милјановски, на Димитар Узунски, народен уметник, фолклорист и Македонската филхармонија, соопштува Министерството за култура.
Наградата ќе им биде врачена на добитниците на 23 октомври 2014 година во 12 часот во Собранието на Република Мaкедонија.