На кумановскиот градски плоштад се поставува ново улично осветлување, информираа денеска од ЈП „Куманово-паркинг“ кое е задолжено за осветлувањето. Поставувањето канделабри со штедливи светилки веќе започна, а денеска, почна да се поставува и улично осветлување на градскиот кеј.
– Предвидено е да бидат поставени 61 канделабра на градскиот плоштад и на главниот и на малиот кај ценатрот за култура. Ова е еден вид на пилот проект преку кој ќе добиеме податоци колку ќе заштедиме со поставување на штедливи светилки, изјави директорот на претпријатието, Фадиљ Шабани.
За замената на постоечкото и поставување на новото осветлување, претпријатието одвои 2,275 милиони денари без Данок на додадена вредност. Новото осветлување според договорот со фирмата изведувач се очекува да заврши за 20 дена.
Денеска, започна и поставување канделабри со штедливи светилки и на градскиот кеј каде дел од поставените сијалици и столбови во изминатиов период беа оштетени.