Во тек е поставувањето на семафорите на крстосницата на булеварот „Октомвриска револуција“ и „Пионерска“ во Куманово за што општината одвои помалку од четири милиони денари.
Семафорите ги поставува фирмата „Електро Софт Инженеринг“ од Скопје, а планирано е да има осум вертикални семафори и четири полупортални семафорски столбови.
Ова е петта крстосница на која се поставуваат семафори на овој фреквентен булевар со кои се очекува да се подобри безбедноста на учесниците во сообраќајот. На крстосницата изминатите години се случија поголем број сообраќајни несреќи во кои имаше и тешко повредени лица.