По завчерашната трагедија кога меѓународниот воз Солун – Скопје – Белград кај Велес удри во група мигранти при што загинаа 14 лица, синоќа околу 23.30 часот возот на истата релација удри во мигрант на влезот од железничката станица Илинден.
Според СВР Скопје возот удрил во 62-годишно лице од Авганистан кое со тешки повреди е префрлен во Ургентниот центар во Скопје.
Со него биле уште две лица кои се пренесени во Прифатниот центарза странци во Гази Баба.
Полицијата изврши увид на местото на несреќата.
