Министерството за внатрешни работи соопшти дека 82-годишна скопјанка e измамена за сума од околу 170.000 денари од едно лице кое се претставува како полициски службеник.
-82-годишна жена од Скопје во СВР Скопје, пријави дека e измамена од едно лице за сума од околу 170.000 денари. Според пријавеното, лицето ја контактирало телефонски, се претставило како полициски службеник и на оштетената и кажало дека нејзината внука предизвикала сообраќајна несреќа во која почина дете и дека е потребно да плати за да не оди во затвор, посочуваат од МВР.
Како што е пријавено, жртвата излегла на улица и ги дала парите на машко лице, но подоцна сфатила дека нејзината внука не учествувала во сообраќајна несреќа, односно дека е измамена.
Од МВР информираат дека се преземаат мерки за расчистување на случајот.