Претседателот на Собранието, Талат Џафери, по барање на координаторите на десетте пратенички групи од ВМРО-ДПМНЕ по изгласување на останатите точки од 32 седница даде пауза од 30 минути на која е договорена координација помеѓу пратеничките групи во врска со изгласување на Законот за јазиците.
Ова е втора пауза на денешната седница откако претходно Џафери по барање на пратеникот од ВМРО-ДПМНЕ Илија Димовски даде едночасовна пауза.
Пратениците од ВМРО-ДПМНЕ продолжуваат да делуваат идентично како и досега, со барања за паузи го одложуваат гласањето на Законот за употреба на јазиците. Со оглед на тоа дека пратениците од ВМРО-ДПМНЕ се поделени во 10 пратенички групи и секој координатор на пратеничка група има право да бара пауза, гласањето на овој закон пости можност да биде одложено.
Виктор Јованов
