Ремзи Мемеди од Изборната единица 5 од Кичево од Алијансата на Албанците ќе биде новиот пратеник во Собранието.
Мемеди доаѓа на местото на неговиот сопартиец Сурија Рушити, кој стана директор на МЕПСО, по влегувањето на Алијансата на Албанците во владината коалиција.
Пред почетокот на денешната 106. пленарна седница, Собранието ја констатираше оставката на Рушити. Седницата треба да продолжи во 14 часот, по добивањето на извештајот од Државната изборна комисија за верификација на мандатот на новиот пратеник.