Ниту ВМРО, ниту свети ВМРО нема да му помогнело на градоначалникот на Кочани ако имал вина, тврди премиерот

Од:

Премиерот Христијан Мицкоски денеска одговорајќи на новинарско прашање дали градоначалникот на Кочани ќе сноси одредена одговорност во врска со пожарот во дискотеката, најави дека истражните органи во текот на денот ќе ги проверат сите документи во Општината. Тој е на ставот дека никој нема да се заштитува и секој кој има каква било вина во врска со настанот, ќе одговара.

-Дали и колкава е одговорноста на градоначалникот, ќе утврди Обвинителството. Градоначалникот во својата оставка напиша дека стои на располагање за се. Не бега. Тука е. Денеска, колку што јас знам, истражните органи ќе влезат и во Општината. Ќе ги проверат сите документи. Ако вие сега пледирате дека тој е ВМРО-ДПМНЕ, па ние го штитиме, не, се лажете. Никого нема да штитиме. Свети ВМРО да биде, и јас да сум, родена сестра, брат да ми е, ќе одговара ако има каква било вина, изјави Мицкоски по посетата на повредените од трагичниот пожар во Општина Кочани во ГОБ 8 Септември Скопје.

Како што посочи, кривична одговорност ќе има за сите, но не треба да се шпекулира, или да се креираат информации кои се косат со вистината.

-Кривична одговорност ќе има за сите. Ако е потребна морална или политичка, удрете на мене. Јас сум тука, јас ќе се сносам со сиот предизвик, но прво ќе ги поразам како што многу пати сум ги поразил, а потоа на избори граѓаните ќе судат дали и кој треба да сноси одговорност. Само ве молам да не шпекулираме, да не креираме информации кои што немаат никаква врска со вистината. Свети ВМРО да е, ако направил грешка ќе одговара. Тоа сме го покажале и докажале во овој период, додаде Мицкоски.

Претходно, од Министерството за внатрешни работи ја потврдија информацијата дека денеска во зградата на Општина Кочани се влезени претставници од надлежните институции кои треба да ја подигнат потребната документација во врска со надлежностите на општинската администрација околу дозволите и работењето на дискотеката „Пулс“.

Од Обвинителството засега нема официјална информација дали нивни обвинители се влезени во општинската зграда.

Би можело да ве интересира

Тошковски: Заврши обдукција на настраданите од Кочани, повредени се 196 лица

Во четврток ќе бидат погребани загинатите во пожарот во Кочани

Софија: Скоро 100 луѓе денеска даруваа крв на ВМА за настраданите во Македонија

Во стабилна состојба е пациентот од пожарот од Кочани кој се лекува во кумановската болница

ВИДЕО: Српските студенти одржаа 74 минути молк, 59 за жртвите од Кочани и 15 за загинатите во Нови Сад

Состојбата на 14-те повредени кои се лекуваат во Бугарија и натаму е сериозна