Пратеникот од СДСМ, Љупчо Николовски, најави дека секој ден е можен изборот на претседател на Собранието, со што СДСМ и партиите на Албанците ќе бидат поблиску до формирање на Влада и веднаш ќе се закажат локалните избори.
Тој не негираше дека Зоран Заев и Али Ахмети имаат средби и кажа дека лидерите на новото парламентарно мнозинство како до сега, така и понатаму, ќе се среќаваат.
– Парламентарното мнозинство нема да дозволи никој да си поигрува со граѓаните. Тие дадоа мандат за нова реформска Влада. Имаме план и стратегија, посветено работиме на планот, но не можеме да го кажеме пред јавноста. Со нашето трпение работиме да се избегне конфликт кој го посакуваат другите, рече Николовски.
Тој истакна дека новата реформска Влада ќе ги исплати субвенциите на земјоделците и дека нема оправдување за тоа што го направиле Цветков, Миновски и Златков, на чело со Груевски.
– Субвенциите не се партиска туку државна мерка. Новата Влада ќе ги зголеми субвенциите, рече Николовски.