Никола Мицевски му подари шарени пенкала на премиерот Зоран Заев.
Симболиката, како што кажа координаторот на пратеничката група на ВМРО-ДПМНЕ, е да знае премиерот со кое министерство раководи.
Мицевски ги искритикува сите предлози за нови министри од тоа дека Трајан Димковски, е продолжена рака на разрешениот Николовски, а дека Хусни Исмаили треба да раководи со Здравство наместо со Култура бидејќи е доктор.
„Предложените кандидати се крпени решенија помеѓу коалициските партнери“, рече координаторот на ВМРО-ДПМНЕ, Никола Мицевски.
Тој додаде и дека требало да бидат разрешени и други министри за кои имало низа скандали, како Венко Филипче, Оливер Спасовски и Кочо Анѓушев.