4-ца тешко повредени полицајци се пренесени во болницата во Куманово. Уште четворица потешко повредени се пренесени во клиничкиот центар во Скопје. Неофицијално има и загинати.
Во Куманово каде што утрово се пукаше е релативно мирно, но тензично.
Хеликоптери, велат за А1 он жители на Куманово, го надлетуваат градот и околината. Делот кај пазарот во Куманово и делот над пазарот кон романовски пат е затворен.
Полициски извори за А1 велат дека има многу полициска опрема, а муниција е донесена со хеликоптер од Петровец.
Нервозата и стравот во кумановско расте. Од утринските часови во делот наречен „Дива населба“, кај пазарот но и во центарот на Куманово се слушаа пукотници, рафали и хеликоптери како ја надлетуваат областа.