Возачот на туристичката агенција „Тото“ платил кауција и ќе може да се брани од слобода во судскиот процес што му претстои во кој ќе одговара за предизвикување сообраќајна несреќа со повредени.
Тој имал првичен исказ пред полицијата во Будимпешта и со гаранција ветил дека ќе се појави на судењето. За кривичната пријава се известени македонските власти во Скопје преку записникот на тамошната полиција.
Инаку тројцата посериозно повредени патници ќе останат една до две седмици на лекување во болница. Дел од другите патници продолжиле кон Прага со друг автобус на „Тото“, а дел се пристигнати во Македонија со приватни возила.
Причината за излетувањето се уште не е утврдена, но според унгарските медиуми, вината е кај возачот затоа што, претпоставуваат, дека заспал.
A.A.