Нема план за моноетничка коалиција вели Филипче пред средбата со Мицкоски

Од:

Во Владата се одржува средбата меѓу премиерот и лидер на ВМРО-ДПМНЕ Христијан Мицкоски и претседателот на СДСМ Венко Филипче.

Филипче пред состанокот со премиерот изјави дека очекува конструктивен разговор и оти е внимателен оптимист.

-Искрено очекувам контруктивен разговор. Навистина ми е драго што премиерот го прифати состанокот уште веднаш, рече тој.

Филипче рече дека темите што ги нафрлил на прес-конференцијата вчера, ќе се обиде подетално да му ги објасни на премиерот. Истовремено, кажа дека жали што вчера одредени политички партии се обиделе да уфрлат некаква етничка димензија и дека тоа апсолутно го демантира.

– Повикот за меѓупартиска средба беше, се уште е за сите партии со оглед на тоа што премиерот прв и веднаш прифати. Еве ќе поразговараме за темите коишто сметам дека заеднички треба да се изменаџираат, коишто никогаш досега не биле така менаџирани. Темите ги нафрлив вчера, денеска ќе се обидам подетално да му ги објаснам како и некои предлог начини, така како што ми е мене во моментот размислувањето без претензија дека тоа е вистинскиот начин. Секако дека отворен сум да разговараме за сите опции. Во однос на очекувањата еве како и секогаш да кажам дека сум внимателен оптимист, рече претседателот на СДСМ.

На новинарско прашање Филипче повтори дека ги демантира трвдењата на ДУИ потенцирајќи дека состанокот нема никава етничка димензија.

-Сите се поканети, сите лидери треба да присуствуваат понатаму на следните состаноци бидејќи ова е за доброто на државата и на сите граѓани, рече Филипче.

По средбата се очекува изјава на лидерот на опозоциската СДСМ, додека од Владата најавија соопштение од средбата.

Би можело да ве интересира

(ВИДЕО) Филипче: Владината коалиција е нефункционална, тоа граѓаните секојдневно го чувствуваат на своја кожа

(ВИДЕО) Филипче: За прв пат после 50 години се реконструира спортската сала „Работнички“

Мицкоски: Подрумот на Левица не ќе да е подрум, туку приземје кое се споменува во случајот за убиствата на Вања и на Панче

Катерина Ѓуровски

ВИДЕО: Ако обвинителот рече да ме приведат, ќе одам во затвор, вели Мицкоски

Катерина Ѓуровски

Не е време за емотивни реакции, за нашето место во Владата решава Мицкоски, порача Таравари

Катерина Ѓуровски

Мицкоски: Обвинителството и судството често пати се неми, неефикасни или пак, под политичко влијание

Горан Наумовски