Дирекцијата за заштита и спасување информира дека по излевањето на Маркова Река во општина Студеничани евидентирана е материјална штета, но нема опасност по жителите од овој крај.
– Еден тим за брз одговор интервенираше со пумпи за извлекување на вода, и истите ќе интервенираат по потреба во текот на денот. Досегашните информации покажуваат дека ситуацијата е под контрола и нема опасност за жителите, освен моментално евидентирана материјална штета, наведува Дирекцијата за заштита и спасување во објава на Фејсбук.
Поради врнежите од дожд, синоќа дојде е до излевање на Маркова Река кај населеното место Љубош поради што беа поплавени неколку куќи, магацини и индустриски објекти во селата Студеничани, Батинци и делови кон Пинтија.