На територијата на Република Македонија во моментов нема активни пожари. Единствено, пожарот во месноста Орлова вода во атарот на селото Витолиште е ставен под контрола, но во текот на денот се очекува и овој пожар комплетно да биде изгаснат, информира Центарот за управување со кризи – ЦУК.
Пожарот над Ново Конско во месноста Ѓупка каде беше опожарена нискостеблеста дабова шума на површина од 150 хекатри, во утринските часови е изгаснат.
Исто така, целосно се изгасени и пожарите во околината на Националниот парк „Јасен“, Катлановска Бања и Танушевци, како и останатите пожари.