Се уште не се знае дали денеска ќе продолжат преговорите на работните групи. Викендов политичките партии самите требаше да расчистат на кои позиции остануваат и каков би буил натамошниот тек на преговорите. Никој не даде одговор дали и кога би продолжиле преговорите. Во официјалните изјави не да отстапуваат од своите црвени линии.
Желбата на власта да ги одземе ингеренциите на министерот за внатрешни работи во техничката влада останува отворено прашање.
СДСМ бара тој да има целосни ингеренции во кадровската политика и да се вратат старите решенија, а ВМРО-ДПМНЕ тврди дека токму овие измени ќе ја спречат партизацијата на министерството.
Амбасадорите Орав и Бејли инсистираат да се постигне договор за да се надмине политичката криза.
Доколку ова се надмине, техничката влада ќе се формира сто дена пред изборите, ќе се проверуваат околу 40.000 гласачи, а оние за кои се претпоставува дека се во странство ќе бидат на посебен извод од Избирачкиот список.
Ќе се формира тело составено од четирите партии кое ќе има мандат да ги мониторира и казнува медиумите во предизборниот период.