Четиринаесет различни недостатоци се откриени кај возила кои вршат јавен превоз на патници при денешната акција спроведена во Тетово.
Портпаролот на СВР Тетово, Марјан Јосифовски информира дека во контролата биле опфатени вкупно 35 возила при што 30 од нив се испратени на технички преглед.
– Во рамки на акцијата се констатирани 14 различни видови прекршоци и тоа шест од возилата имале неисправни уреди за сопирање, две не се јавиле на технички преглед, кај едно возило утврдена е неисправност на уреди и опрема, еден возач управувал за време на забрана, еден некористел сигурносен појас…… Откриените прекршоци санкционирани се со тринаесет платни налози и една покана за наплата на глоба, а едно возило исклучено е од сообраќај. Сите прекршители наскоро ќе се соочат со законски предвидените глоби изјави Јосифовски.
Тој додаде дека целта на акциските контроли е на патиштата во тетовско да се движат што помалку технички неисправни возила.
Според податоците на полицијата, една од причините за сообраќајните несреќи кои се случуваат на овие простори е техничката неисправност на сопирачките кај возилата.