Неготино денеска одбележува 70 години од ослободувањето. По тој повод беа доделени и годинeшните награди и признанија на граѓани кои го афирмираат градот и општината, дома и во странство. Највисокото општинско признание годинава го доби Фабриката Слобода АД Неготино. Наградата му беше врачена на генералниот директор Цане Коцевски, пренесе порталот Дума.
Признанија добија и Лукас Мирингер-менаџер на ДММ Дрекслмајер Мануфактурниг Македонија, Здружението на граѓани „Ековита“, младиот планинар Ване Бошев, Ристе Волчев-магистрант на Градежен факултет и на Центарот за регионален одржлив развој.