Синоќа во 19:45 часот на паркинг на улицата „Маршал Тито“ во Неготино, патничко возило „мерцедес“ со неготински регистарски ознаки, управувано од 38-годишниот Б.Ш. од Неготино, удрило во пешакот 44-годишниот В.А. од Неготино.
Веднаш потоа настанала и физичка пресметка помеѓу нив. Во несреќата В.А. се здобил со тешки телесни повреди, констатирани во болницата во Неготино. За ова денеска информираше Верољуб Додевски, портпарол на СВР Велес.
По целосно документирање на случајот, ќе биде поднесена соодветна пријава.