С.Н. (63) од Неготино, со неговиот автомобил марка Хјундаи се забил во заштитната ограда на автопатот Гевгелија – Демир Капија, во близина на клучката за селото Смоквица, објави Неготино инфо.
Во незгодата најтешко повреден бил сопатникот К.Ѓ., кој со возило на Брзата помош е хоспитализиран во болницата во Гевгелија.
До несреќата дошло поради неприспособена брзина на условите на патот и непочитување на патната сигнализација, по што автомобилот кој го управувал неготинецот, кој со сопругата Д.Н. (58) и со пријателите С.Ѓ. (54 ) и К. Ѓ. (57), сите од Неготино, се враќале од викенд дома, удрил во заштитниот браник, кој се забил во автомобилот од неговата десна страна и го пробил моторот сè до предните седишта на возилото.