Кандидатот за градоначалник на општина Ѓорче Петров од „Сојузот за иднината“, Александар Наумоски денеска го промовираше својот проект за изградба на ново училиште во населбата Хром.
Тој истакна дека доколку ја добие довербата од граѓаните на општина Ѓорче Петров, жителите на населбата Хром во 2014 година ќе добијат ново училиште.
– Претходно ќе биде направена анализа за капацитетот на училиштето, преку која ќе биде одреден бројот на учениците, рече Наумоски.
Во генералниот урбанистички план на Град Скопје, според него, била предвидена маркица за изградба на училиште, која подоцна била отстранета и повторно вратена.