[staff name=”Мики Трајковски” position=”Автор”][/staff]Ракометарот Наумче Мојсоски влегува во политиката. Како што дознава А1, репрезентативецот на Македонија во ракомет и член на екипата на Металург е ставен на советничката листа на ВМРО-ДПМНЕ од Струга за престојните локални избори.
Мојсоски ни помалку ни повеќе се наоѓа втор на листата после носителот, претседателот на струшките Вмроовци, Перо Петковски.
Трета на листата е досегашната советичка Јулијана Зуноска, додека најголем дел од остаанатите се анонимуси за пошироката струшка јавност. Од страна на општинскиот комитет во Струга биле предложени две советнички листи, па за конечниот редослед крајниот збор ќе го има Централата на ВМРО-ДПМНЕ во Скопје.
Она што се знае е дека првите три места се загарантирани, а со тоа и местото на Наумче Мојсовски.
Членови на ДПМНЕ во Струга за А1 коментираат дека се изненадени од имињата кои ќе се тркаат за советници во идниот струшки совет и дека Мојсоски е дел од листата за да повлечел повеќе гласови иако и тоа не мора да биде гарант за такво нешто.
Претседателот на ОК на ВМРО-ДПМНЕ во Струга, Перо Петковски за А1 рече дека листата е се уште во фаза на оформување и за нејзиниот конечен изглед одлучува Извршниот Комитет во Скопје .
Мојсоски е жител на Скопје, но за тоа и за изгледот на листата конечно одлучуваат во Скопје“, изјави Петковски.