ВИДЕО: Наташа Габер Дамјановска избрана за нов директор на Академијата за судии и обвинители

Од:

Поранешната уставна судијка Наташа Габер Дамјановска денеска на јавна седница со двотретинско мнозинство, односно 8 гласа „за“ и 1 „воздржан“, е избрана за нов директор на Академијата за судии и јавни обвинители „Павел Шатев“.

Габер Дамјановска претходно беше директор на Институтот за социолошки и политичко-правни истражувања. Дипломирала и магистрирала на Правниот факултет во Скопје, а докторирала на Институтот за социолошки и политичко- правни истражувања во Скопје.

Покрај Габер Дамјановска, за оваа позиција се кандидираа и Мирјана Лазарова Трајковска, поранешна судијка во Уставниот суд и Европскиот суд, Александар Маркоски, јавен обвинител од Основното јавно обвинителство и Елена Андреевска, поранешен јавен обвинител и професорка на Правниот факултет на Универзитетот ЈИЕ.

На денешната јавна седница не беше избран заменик директор на Академијата за што кандидатура поднесе само еден кандидат, Илир Исени за кој 3 члениот одбор кој ги разгледувал кандидатурите заклучил дека Исени не исполнува 1 од условите за кандидат за оваа позиција а тоа е лицето да достави документ дрка не е осудено за кривично дело на безусловна казна затвор од најмалку 6 месеци.

Согласнот законот, управниот одбор е обврзан во рок од 30 дена да распише нов оглас за заменик директор на Академијата за судии и јавни обвинители.

Тричлената комисија при проверка на кандидатите исто така не дала зелено светло за кандидатурата на Елена Андреевска поради тоа што кандидатот не исполнувал 2 услови. Првиот е да има работно искуство како судија или јавен обвинител од најмалку 8 години, додека вториот услов е тоа што Андреевска не доставила сертификат за познавање на странски јазик.

9 члениот Управен одбор кој одлучувше за новиот директор и заменик директор на Академијата е во состав на Сашо Рајчев, Оља Ристова, Маријана Радевска Стефкова, Лилјана Спасоска, Лазар Нанев, Осман Шабани, Љубица Караманли Попчевски, Фаик Арслани и Мери Тромбева.

Досега, цели 12 години директорската функција на Академијата за судии и јавни обвинители ја извршуваше Анета Арнаудовска која беше критикувана во јавноста поради продолжувањето на мандатот, аферата со лажни дипломи и преименувањето на Академијата.

На денешната 138. седница на Управниот одбор беше разгледан и извештајот за досегашната работа на в.д. директорката на Академијата, Вјолца Елмази.

Виктор Јованов

Би можело да ве интересира

ВМРО-ДПМНЕ бара повлекување на Предлог-законот за Академија на судии и јавни обвинители

Обвинителството за случајот Рашковски: Извршен е претрес на Правен, не се пронајдени материјали поврзани со Академијата за судии

Катерина Павлова-Николовска

АСЈО: При селекцијата на кандидати за седмата генерација испочитувани се законските одредби

Ана Ололовска

Потпишан меморандум за соработка за развој на системот на правдата за децата

А1он

Се чека Кембриџ за фалш сертификатите по англиски на кандидатите за обвинители

Васко Маглешов

Габер: Академијата работи професионално и не фаворизира одредени кандидати