По повод 23 Октомври – Денот на македонската револуционерна борба денеска во Скопје концерт со познатите „Чекорници” ќе одржи Градскиот дувачки оркестар.
Парадниот концерт ќе почне на влезот на Градскиот трговски центар од страната на хотелот „Холидеј ин“ и ќе се движи кон плоштадот „Македонија“.
– Членовите на оркестарот пред граѓаните ќе ги изведат следниве дела: „Младинска чекорница“, „Вардаре македонски“, „Патриотска чекорница“, „Дикси парада“, „Вашингтон пост марш“, „3-та Македонска бригада“, „Огномет на слободата“, „Во спомен на Ваташа“, „Работнички“ и „За сите деца“, соопштија од Град Скопје.
Градскиот дувачки оркестар, кој работи под покровителство на Град Скопје, е составен од професионални музичари и од студенти на Факултетот за музичка уметност во Скопје. Досега, оркестарот настапувал на речиси сите значајни манифестации, државни празници и најразлични настани, давајќи им свечена нота.
