Д.Т. (43) од Скопје, вработен во агенција за обезбедување, синоќа, додека бил на работно место во кругот на „Макошпед“, бил повреден од четири непознати лица кои во него удриле со возило.
Според полицијата, Д.Т. најпрво ги забележал четирите лица со патничко моторно возило без регистарски таблички. Му биле сомнителни и, бидејќи биле на место каде не смееле да се задржуваат, им рекол да се оддалечат. Откако се оддалечиле, повторно се вратиле и со возилото го удриле Д.Т. по што избегале. Од ударот и падот тој здобил повреди и со возило на итна медицинска помош бил пренесен во ГОБ „8-ми Септември“ по што е пуштен на домашно лекување.
Се преземаат мерки за целосно расчистување на случајот.