Судијата Лазар Нанев, кој е претседател на работната група при Министерството за правда за проверка на системите за распределба на предметите во судовите, пред одржувањето на денешната работилница организирана од Здружението на судии и Американската амбасада во Скопје, изјави дека проверката на АКМИС системот покажала дека во Апелациониот суд водењето на уписниците е направено релативно квалитетно.
За разлика од Кривичниот суд, како што рече Нанев, во Апелација постапуваат судии-тројки и станува збор за значително помал внес на електронски податоци.
Нанев рече дека очекува деновиве да го посетат и Врховниот суд и да направат увид и таму, за наредната недела да излезат со конечен извештај за евентуални злоупотреби на АКМИС системот во сите три судови кои беа предмет на проверка.
В. Маглешов