Седницата на Собранието на која на дневен ред беше дополнетиот Предлог буџет за 2018 година денеска е преместена за 22 декември.
Од Собранието информираат дека седницата за буџетот била одложена од објективни причини.
„Ве известуваме дека поради објективни причини и неодложни активности на дел од претставниците-членови на Владата на Република Македонија дваесет и шестата седница на Собранието на Република Македонија“, се вели во соопштението од Собранието.
Наместо неа, закажано е продолжение на 22. седница на која треба да биде именуван јавниот обвинител, како и да бидат разгледани реформските закони за правосудството.
Владата на 7 ноември му предложи на Собранието за јавен обвинител на Република Македонија да биде именуван Љубомир Јовески, член на Советот на јавни обвинители.
За именување на јавен обвинител 61 пратеник треба да бидат присутни во собрансиската сала, а 41 од нив да гласаат „за“. Јавниот обвинител има мандат од шест години со право на повторно именување.