Намален е бројот на пожари на отворен простор во Кавадаречко, како резултат на добрата превентива и ограничното движење во шума, изјави денеска Илчо Богевски, командир на територијалната противпожарна единица од Кавадарци.
Тој информира дека за 8 месеци се евидентирани 105 интервенции.
– Во 70 случаи се работи за пожари на затворен, а во 25 случаи на отворен простор. Во 10 случаи се работеше за техничка интервенција, рече Богевски.
Богевски апелираше до граѓаните во мобилните телефони да го меморираат бројот на протипожарната служба 193.
– Граѓаните исто така треба да знаат дека бројот 193 е бесплатен и на него можат да вртат дури и кога немаат кредит или телефонот им е исклучен во еден правец поради неплатена сметка. Се случува тие да не го знаат тоа па да трчаат по други луѓе за да бараат од нив да се јават во противпожарната, појасни Богевски.