Децата од градинката „Срничка“ од општина Аеродром денеска на кејот на Вардар со спортски и рекреативни игри на чист воздух ќе го одбележат Денот без автомобили.
Целта на оваа активност, информираат од општина Аеродром, е на децата да им се пренесе пораката дека со редовно одење во природа дишиме чист воздух и се рекреираме што поволно влијае на нашето здравје.
Спортските активности се отворени и за другите заинтересирани деца кои сакаат да се забавуваат и рекреираат.