Професорката Мирјана Најчевска одбила да учествува на јавната расправа за уставните амандмани која ја организира Владата. Таа како што вели, добила покана , но ја одбила бидејќи еден од главните говорници е професорот Владо Поповски.
„Тоа е оној човекот со сите бои и за сите влади. Компромисен. Неконфликтен. Човек кој ни во сон нема да се спротистави на ниту еден режим… Сметам дека Владо Поповски е дискредитиран како стручњак во повеќе наврати и дека има нанесено неверојатно голема штета во развојот на Македонија како правна и демокатска држава. Од тие причини, да одам на јавна расправа на која тој се појавува како посебен говорник за мене е не само понижувачко туку и невкусно“, напиша Најчевска на „Фејсбук“.
Поповски е актуелен советник во Советот на Град Скопје од ВМРО-ДПМНЕ. Тој пред неколку месеци јавно кажа дека договорот со Грција е добар и дека е илузија дека некој друг би можел да издејствува подобра спогодба за Македонија.
На денешната јавна расправа во Владата освен Поповски, за уставните амандмани ќе говорат и професорот Љубомир Фрчкоски и премиерот Зоран Заев.
Галена Николовска-Ризвановиќ