Во периодот кога цветаат алгите во езерото, Дојран е преполн со гости. Според раководителот на Туристичкото биро, Перо Митаноски во моментов повеќе од 10.000 туристи летуваат покрај Дојранското езеро.
– Дојран по традиција е најпривлечен во август, а најатрактивен токму сега кога може да се искористат благодетите на водата и лековитите алги, нагласи Митаноски и додаде дека бројката на туристи веројатно е многу поголема затоа што полни се и комерцијалните капацитети.
По речиси децениска пауза годинава за прв пат во Дојран се забележува присуството на голем број транзитни гости, најчесто од Србија, кои привлечени од гостопримливоста на месното население и пристапните цени се задржуваат по неколку дена.